خوشاب میں توہین رسالت کے عنوان سے مبینہ طور پر ایک مسلمان بینک مینیجر کا قتل انتہائی افسوسناک اور قابل مذمت ہے۔ قانون کو ہاتھ میں لینا غلط ہے اور کسی مسلمان کو ناموس رسالت کی آڑ میں ذاتی طور پر انتقام کا نشانہ بنانا اس سے بھی زیادہ مذموم عمل ہے۔ اور اس سے ان عناصر کے موقف کو قوت ملتی ہے جو قانون کے غلط استعمال کو بہانہ بنا کر توہین رسالت پر موت کی سزا کے قانون کو ختم کرانے کے درپے ہیں۔ اگر خدانخواستہ ایسا ہو گیا تو اس کی ذمہ داری بہرحال مسلکی تعصب میں اشتعال انگیزی کا رنگ دینے والے رہنماؤں پر ہو گی۔
2016ء سے
