مقالات و مضامین

بارہ ربیع الاول / ۲۶ اگست کو جامعہ محمدی شریف چنیوٹ کے نئے لائبریری ہال میں پاکستان شریعت کونسل چنیوٹ کے زیر اہتمام ایک خصوصی تقریب منعقد ہوئی جس کی صدارت مولانا صاحبزادہ قمر الحق سیالوی نے کی اور اس میں راقم الحروف نے کچھ گزارشات پیش کیں جن کا خلاصہ نذر قارئین ہے۔ جامعہ محمدی شریف کے بانی حضرت مولانا محمد ذاکرؒ اور حضرت مولانا محمد نافعؒ ہمارے بزرگوں میں سے تھے ۔ ۔ ۔ مکمل تحریر

علماء کرام کو حضراتِ انبیاء کرام علیہم السلام کا وارث بتایا گیا ہے اور وہ اس حوالہ سے ان تمام ذمہ داریوں میں اللہ تعالیٰ کے مقدس رسولوں کی نمائندگی کرتے ہیں جو اپنے اپنے دور میں حضرات انبیاء کرام علیہم السلام سرانجام دیتے رہے ہیں اور خاتم الانبیاء حضرت محمد رسول اللہ صلی اللہ علیہ وسلم کی سیرت و کردار میں وہ سب کمال جامعیت کے ساتھ پائے جاتے ہیں جو تاریخ کے ریکارڈ میں محفوظ بھی ہیں ۔ ۔ ۔ مکمل تحریر

باسمہ تعالیٰ۔ محترمی حضرات علماء کرام! السلام علیکم ورحمۃ اللہ وبرکاتہ۔ متحدہ علماء کونسل پاکستان کے ہنگامی مشاورتی اجلاس منعقدہ ۲۵ جون بمقام جامعہ اہلِ حدیث چوک دالگراں لاہور، اور گوجرانوالہ کے مختلف مکاتبِ فکر کے سرکردہ علماء کرام کے مشترکہ اجلاس منعقدہ ۲۸ جون بمقام مرکزی جامع مسجد گوجرانوالہ کے فیصلوں کے مطابق، ملک بھر کے تمام مکاتبِ فکر کے علماء کرام سے گزارش ہے کہ ۔ ۔ مکمل تحریر

باسمہ تعالیٰ۔ محترمی حضرت مولانا مفتی منیب الرحمٰن صاحب زیدت مکارمکم۔ السلام علیکم ورحمۃ اللہ وبرکاتہ۔ مزاج گرامی؟ ۲۵ اپریل کے اجلاس کا دعوت نامہ مل گیا ہے، ان شاء اللہ حاضری ہو گی۔ قرطاسِ عمل میں نصاب کمیٹی سے متعلقہ امور کے بارے میں اپنی رائے تحریر کر رہا ہوں، کوئی بات قابلِ توجہ ہو تو اپنی گفتگو میں شامل فرما لیں ۔ ۔ ۔ مکمل تحریر

چودہ اگست ہمارا یومِ آزادی ہے اور اس موقع پر ملک بھر میں بیانات، تقریبات اور مجالس کا اہتمام کیا جاتا ہے جو آزادی اور قیامِ پاکستان کی عظیم نعمتِ خداوندی پر رب العزت کا شکر ادا کرنے کے ساتھ ساتھ تحریکِ آزادی اور تحریکِ پاکستان کے شہداء اور مجاہدین کی یاد تازہ کرنے کا ذریعہ ہوتی ہیں، ان میں قیامِ پاکستان کے مقصد کی تکمیل کے لیے جدوجہد کا نئے سرے سے عزم کیا جاتا ہے ۔ ۔ ۔ مکمل تحریر

آج کے ماحول میں مروجہ عالمی و قومی قوانین معاشرتی معاملات سے مذہب کی لاتعلقی پر تشکیل پاتے ہیں اور چلائے جا رہے ہیں؛ اس لیے آسمانی تعلیمات اور وحی الٰہی نے معاشرتی امن و نظم اور عدل و انصاف کے ساتھ ساتھ عالمی و بین الاقوامی تعلقات و معاملات کے لیے جو قوانین دیے ہیں اور جن پر ہزاروں سال عمل ہوتا رہا ہے وہ قصۂ پارینہ قرار دے کر بالائے طاق رکھ دیے گئے ہیں ۔ ۔ ۔ مکمل تحریر

جامعہ نصرۃ العلوم گوجرانوالہ کے شعبہ تجوید و قرأت کے صدر مدرس مولانا قاری سعید احمد ہمارے باذوق اور صاحبِ توفیق ساتھیوں میں سے ہیں جو ایک عرصہ سے تجوید و قرأت کی تعلیم و تدریس کے ساتھ ساتھ ملک بھر کی محفلوں میں قرآن کریم کی تلاوت و قرأت سے اپنے سامعین کو محظوظ کرنے کا سلسلہ جاری رکھے ہوئے ہیں اور ان کی تلاوت کو ذوق و اہتمام کے ساتھ سنا جاتا ہے ۔ ۔ ۔ مکمل تحریر

قرآن کریم میں اہلِ ایمان کے اوصاف بیان کرتے ہوئے فرمایا گیا ہے کہ ’’واذا ما غضبوا ھم یغفرون‘‘ انہیں جب غصہ آتا ہے تو معاف کر دیتے ہیں اور ’’والکاظمین الغیظ والعافین عن الناس‘‘ وہ اپنے غصے کو پی جاتے ہیں اور لوگوں کو معاف کر دیتے ہیں۔ جبکہ جناب نبی اکرم صلی اللہ علیہ وسلم نے بھی غصہ کو کنٹرول کرنے اور اس کا بے جا اظہار نہ کرنے کو بہادری سے تعبیر فرمایا ہے اور اس کا ثواب و اجر بیان فرمایا ہے ۔ ۔ ۔ مکمل تحریر

سائنسی ارتقاء اور حقائق کے حوالہ سے اسلامی تعلیمات کا مطالعہ ایک دلچسپ موضوع ہے اور آج کی فکری و تہذیبی ضروریات کے حوالے سے یہ وقت کا تقاضہ بھی ہے کہ دینی تعلیمات سے بے خبری اور سائنسی تجربات و مشاہدات کے تسلسل کے ماحول میں نئی نسل کے ذہنوں میں جو شکوک و شبہات اور اشکالات پیدا ہو رہے ہیں ان کے ازالہ اور ان سے نجات کے لیے نئی نسل بالخصوص کالج اور یونیورسٹی کے طلبہ اور طالبات ۔ ۔ ۔ مکمل تحریر

حضرت مولانا محمد طیب کشمیری (خطیب سبیل مسجد، گورومندر چوک، کراچی) کی وفات کی خبر پڑھ کر بے حد صدمہ ہوا، انا للہ وانا الیہ راجعون۔ وہ میرے پرانے دوست تھے اور جامعہ نصرۃ العلوم گوجرانوالہ میں طالب علمی کے دور میں کئی برس ہماری رفاقت رہی ہے۔ آزاد کشمیر کے بزرگ عالم دین حضرت مولانا امیر الزمان خان رحمہ اللہ تعالیٰ کے بھتیجے تھے اور سرگرم و متحرک عالمِ دین تھے ۔ ۔ ۔ مکمل تحریر

والد گرامی امام اہل سنت حضرت مولانا محمد سرفراز خان صفدر قدس اللہ سرہ العزیز کا ذوق و معمول تھا کہ اپنے مضامین و تصانیف میں کسی بھی حوالہ سے اکابر اہلِ علم اور بزرگانِ دین میں سے کسی شخصیت کا ذکر کرتے تو ان کے سنِ وفات کا اہتمام کے ساتھ تذکرہ کرتے جس سے اس شخصیت کے دور اور اس ماحول میں ان کی خدمات کا صحیح پس منظر میں اندازہ کرنا آسان ہو جاتا ہے ۔ ۔ ۔ مکمل تحریر

الشمس ٹرسٹ گلیانہ ضلع گجرات کی طرف سے تعلیمی مقاصد کے لیے مرتب کردہ قرآن کریم کی تفسیر ’’الفلاح‘‘ نظر سے گزری اور اس کے ساتھ مختلف مراحل کے لیے ’’صراطِ مستقیم‘‘ کے عنوان سے مرتبہ نصابِ تعلیم کے کچھ حصے دیکھنے کا اتفاق ہوا۔ نظر کی مسلسل کمزوری کے باعث مطالعہ تو نہیں کر سکا مگر بعض مقامات سرسری دیکھنے سے اندازہ ہوا کہ اچھے ذوق اور اسلوب کے ساتھ نئی نسل کی دینی تعلیم و تربیت ۔ ۔ ۔ مکمل تحریر

سنیٹر (ر) محترم جناب مشتاق احمد خان کے قائم کردہ ’’پاکستان فلسطین فورم‘‘ کا ایک وفد گزشتہ دنوں گوجرانوالہ آیا تو وفد نے الشریعہ اکادمی میں مجھ سے بھی ملاقات کی اور اپنے پروگرام سے آگاہ کرتے ہوئے اس میں تعاون کے لیے کہا۔ مسجد اقصیٰ اور فلسطین کے مسئلہ پر بحمد اللہ تعالیٰ ۱۹۶۷ء کی عرب اسرائیل جنگ کے دور سے ہی کچھ نہ کچھ کہتے اور کرتے رہنے کی سعادت حاصل ہوتی چلی آ رہی ہے ۔ ۔ ۔ مکمل تحریر

والد گرامی امام اہل سنت حضرت مولانا محمد سرفراز خان صفدر رحمہ اللہ تعالیٰ نے اپنی تصانیف کی طباعت و اشاعت کا شرعی و قانونی حق اپنے بیٹوں اور بیٹیوں کو ’’وقف علی الاولاد‘‘ کے طور پر سپرد کر کے مکتبہ صفدریہ گوجرانوالہ قائم فرمایا تھا اور اس کا انتظام برادر عزیز مولانا عبد القدوس خان قارن رحمہ اللہ تعالیٰ کے سپرد کیا تھا جو اپنی زندگی میں تمام بھائیوں اور بہنوں کے اعتماد اور مشاورت کے ساتھ چلاتے رہے ۔ ۔ ۔ مکمل تحریر

افغانستان کے سابق فرمانروا ظاہر شاہ ایک بار پھر منظر عام پر نمودار ہوئے ہیں اور ان کے ترجمان نے اعلان کیا ہے کہ ظاہر شاہ افغانستان میں امن کے قیام کے لیے طالبان اور ان کے مخالف شمالی اتحاد کے پاس الگ الگ وفود بھیجنے والے ہیں تاکہ ’’لوئی جرگہ‘‘ کے انعقاد کی راہ ہموار کی جا سکے جو اُن کے نزدیک افغانستان میں قیامِ امن کے لیے ضروری ہے ۔ ۔ ۔ مکمل تحریر

گزشتہ روز ایوانِ اقبال لاہور میں ڈاکٹر اسرار احمد کی تحریکِ خلافت پاکستان کے زیراہتمام ’’انٹرنیشنل خلافت کانفرنس‘‘ سے خطاب کرتے ہوئے سپریم کورٹ آف پاکستان کے سابق چیف جسٹس جناب جسٹس ڈاکٹر نسیم حسن شاہ نے اس بات پر زور دیا کہ ملک میں اسلامی نظام کے عملی نفاذ کے لیے دستوری طور پر قرآن و سنت کی بالادستی کا اہتمام ضروری ہے۔ ان سے قبل اسی کانفرنس میں جنرل (ر) حمید گل نے ۔ ۔ ۔ مکمل تحریر

مجدد الف ثانی حضرت شیخ احمد سرہندی رحمۃ اللہ تعالیٰ جنوبی ایشیا کے اکابر علماء اسلام میں ایک ممتاز شخصیت ہیں جنہوں نے علومِ نبوت کی ترویج اور تزکیہ و احسان کے ساتھ ساتھ اسلامی عقائد و احکام کے تحفظ و دفاع میں بھی لائقِ رشک و تقلید خدمات سرانجام دیں اور حوصلہ و قربانی کے ساتھ الحادی افکار و رجحانات کے سامنے سدِ سکندری بن گئے۔ خاص طور پر اکبر بادشاہ کے خود ساختہ ’’دینِ الٰہی‘‘ کو اپنے علم و فضل ۔ ۔ ۔ مکمل تحریر

اخباری اطلاعات کے مطابق بھارتی شہر میسور میں سلطان ٹیپو شہید کی دو سو سالہ تقریبات منائی گئیں اور مسلمانوں کی مختلف تنظیمیں اس سلسلہ میں سرگرمِ عمل رہی ہیں، جبکہ انتہاپسند اور جنونی ہندو تنظیمیں ان تقریبات میں رکاوٹ ڈالنے کی کوشش میں سرگرداں رہیں۔ سلطان فتح علی ٹیپو شہید برصغیر کی اسلامی تاریخ کا ایک روشن اور غیور کردار ہے جس نے آج سے دو سو برس قبل اس خطہ میں برطانوی استعمار کے بڑھتے ہوئے ۔ ۔ ۔ مکمل تحریر

اِن دنوں چار پانچ روز کے لیے جوہر ٹاؤن لاہور میں عزیزم ڈاکٹر عمار خان ناصر سلّمہ کے گھر میں ہوں۔ میرے بڑے پوتے حافظ طلال خان ناصر کا معمول ہے کہ وہ رمضان المبارک میں اپنے گھر میں تراویح میں قرآن کریم سناتا ہے اور اس کا تقاضہ ہوتا ہے کہ میں بھی چند روز ان کے ساتھ تراویح میں شریک ہو کر چار پانچ پارے سنوں۔ چنانچہ دو تین سال سے معمول بن گیا ہے کہ رمضان المبارک کے پہلے عشرہ ۔ ۔ ۔ مکمل تحریر

سیدنا ابراہیمؑ کی یاد کا مہینہ شروع ہو گیا ہے، دنیا بھر میں کروڑوں مسلمان اپنی اپنی جگہ ابراہیم علیہ السلام کی سنت قربانی کو تازہ کرنے کے علاوہ عرفات کے میدان میں حج کے روز لاکھوں کی تعداد میں مسلمان جمع ہوں گے اور اللہ تعالیٰ کے مقدس گھر کا طواف اور صفا مروہ کی سعی کر کے حضرت ابراہیمؑ کی اہلیہ محترمہ حضرت ہاجرہؓ کی سنت کو زندہ کریں گے۔ مکمل تحریر

بھارت کے ایٹمی دھماکے کے بعد پاکستان کے ایٹمی دھماکے کا انتظار تو تھا مگر یہ خدشہ بھی تھا کہ بین الاقوامی حلقے اور ملک کے اندر ان کی نمائندہ لابیاں جس طرح کا مسلسل دباؤ ڈال رہی ہیں اور پاکستان کو ایٹمی قوت بننے سے روکنے کے لیے جو سازشیں کی جا رہی ہیں وہ کہیں اپنا رنگ دکھا نہ دیں۔ چنانچہ اس تذبذب کے عالم میں گوجرانوالہ کے ایک صحافی دوست نے فون پر پاکستان کے ایٹمی دھماکوں اور ان کی کامیابی کی خبر دی ۔ ۔ ۔ مکمل تحریر

امریکی صدر ڈونلڈ ٹرمپ کی جانب سے فلسطین کے بارے میں جو نیا منصوبہ سامنے آیا ہے وہ پوری صورت حال کو نئے رخ پر ڈھالنے کا منصوبہ ہے جس کے بارے میں مسلم حکمرانوں اور دانش وروں کے سنجیدہ غور و خوض کی ضرورت ہے۔ ہمارے خیال میں بیت المقدس کے حوالہ سے یہود و نصاریٰ کی قدیمی کشمکش نے نیا پینترا بدلا ہے اور مسیحی فریق نے، جو اس سے قبل پس منظر میں تھا ۔ ۔ ۔ مکمل تحریر

تحریکِ ختمِ نبوت میں جن ممتاز صحافیوں نے نمایاں خدمات سرانجام دی ہیں اور اپنی صلاحیتوں سے تحریکِ ختمِ نبوت کو بھرپور فائدہ پہنچایا ہے ان میں روزنامہ جرأت کے مدیر اعلیٰ جناب جمیل اطہر قاضی ممتاز حیثیت رکھتے ہیں۔ زیر نظر کتاب میں انہوں نے ختمِ نبوت کی عظیم جدوجہد کے اپنے مشاہدات و تجربات کے ساتھ ساتھ بہت سی مفید معلومات کو مرتب طور پر پیش کیا ہے ۔ ۔ ۔ مکمل تحریر

جمعیۃ علماء اسلام پاکستان علماء حق کی نمائندہ دینی و سیاسی جماعت ہے جس نے پہلے دور میں تحریکِ پاکستان اور دوسرے دور میں قیامِ پاکستان کے مقاصد کی تکمیل کے لیے نمایاں خدمات سرانجام دی ہیں۔ اسے ملک میں سیاسی و دینی حوالوں سے قومی فیصلوں کی تشکیل و نفاذ میں ہمیشہ کلیدی حیثیت حاصل رہی ہے جو بحمد اللہ تعالیٰ آج بھی قائم ہے ۔ ۔ ۔ مکمل تحریر